काठमाडौं, २५ फागुन । नेपालका दीपेन्द्रसिंह ऐरी आईसीसीले प्रदान गर्ने ‘प्लेअर अफ द मन्थ’ को मनोनयनमा पर्न सफल भएका छन् ।

अन्तर्राष्ट्रिय क्रिकेट काउन्सिल (आईसीसी)ले बुधवार सार्वजनिक गरेको फेब्रुअरी महिनाको उत्कृष्ट तीन जना खेलाडीको सूचीमा नेपालका दीपेन्द्रसिंह ऐरी, भारतका श्रेयस अय्यर र यूएईका वृत्य अरविन्द परेका हुन् ।

भोटिङका आधारमा तीन जनामध्ये एक जना महिनाकै उत्कृष्ट खेलाडी घोषित हुनेछन् । आईसीसी टी–२० विश्व कपको ग्लोबल छनोटमा दीपेन्द्रसिंह ऐरीले उत्कृष्ट प्रदर्शन गरेका थिए । उनले प्रतियोगितामा एक सय ५९ रन बनाउँदै ६ विकेट पनि लिए । भोटका यहाँ क्लिक गर्नुहोस् ।