काठमाडौं, १५ फागुन । रुसले युक्रेनको एक तेल भण्डारमा आक्रमण गरेको छ । आक्रमणपछि राजधानी किभमा विषालु धुवाँको जोखिम बढेकाले किभका बासिन्दालाई झ्याल नखोल्न आग्रह गरिएको बिबिसीले जनाएको छ ।
युक्रेनको राजधानीका बासिन्दाहरूले भूमिगत आश्रय लिएर्रे रात कटाइरहँदा किभ नजिकै शक्तिशाली विस्फोटनको आवाजहरू सुनिएका छन् । अन्तर्राष्ट्रिय समाचार एजेन्सीहरुका अनुसार एउटा विस्फोटन भासीलकीकिभको एउटा तेल टर्मिनलमा गरिएको थियो, जुन किभबाट ३० किलोमिटर दक्षिण पश्चिममा अवस्थित छ ।
रुसी क्षेप्यास्त्रले भासीलकीभको एउटा तेल डिपोमा आक्रमण गरेको त्यहाँका मेयरले बताएकी छन् । त्यसबाट विषाक्त धुवाँ निस्कने चिन्ता व्यक्त भएको छ । उनले त्यहाँ आगलागी भइरहेको बताएकी छन् । भिडिओ फुटेजहरूमा आकाशमा आगो दन्किरहेको देखिएको छ ।
एक जना युक्रेनी संवाददाताका अनुसार स्थानीय मानिसहरूलाई खतरनाक रासायनिक धुवाँबाट जोगिन झ्यालहरू लगाउन भनिएको बिबिसीले जनाएको छ । शनिबार उक्त सहरमा अघि बढिरहेका रुसी फौजको गोलाबारी र रकेट आक्रमणको युक्रेनले प्रतिरोध गरेको थियो । युक्रेनी राष्ट्रपति जेलेन्स्कीले आफ्नो देशले हार नमान्ने बताएका छन् । हालसम्म युक्रेनतर्फ २०० जनाले ज्यान गुमाएको सरकारी आँकडा छ ।
Vasylkiv, oil depot on fire pic.twitter.com/hbd1RKJ3OU
— OSINTtechnical (@Osinttechnical) February 26, 2022
