काठमाडौं, ११ फागुन । लोकतान्त्रिक समाजवादी पार्टी (लोसपा) संसदीय दलको बैठक बबरमहलस्थित पार्टी केन्द्रीय कार्यालयमा आज बस्दैछ ।
दिउँसो १ बजे बस्ने बैठकमा अमेरिकी अनुदान सहयोग (एमसिसी)लगायत समयसामयिक विषयमा छलफल हुने नेता लक्ष्मणलाल कर्णले जानकारी दिए ।

एमसिसी नेपालको पूर्वाधार विकास र नेपाली जनताको समृद्धिको पक्षमा रहने भनी दाबी गर्दै आएको (लोसपा)को आजको बैठकले यस सम्बन्धमा ठोस धारणा सार्वजनिक गर्ने बताइएको छ ।

उक्त पार्टीको संसदीय दल १३ सदस्यीय छ । एमसिसी सम्झौता छलफलका लागि सदनमा पेश भइसकेको अवस्थामा सङ्घीय संसद्मा प्रतिनिधित्व गर्ने राजनीतिक दलका गतिविधि, छलफल र बैठकलाई महत्वका साथ हेरिँदै आएको छ ।