काठमाडौं, १० फागुन । बलिउड अभिनेता अक्षयकुमार एक कुसल खेलाडी पनि हुन् । मार्सल आर्टका खेलाडी अक्षयकुमार अभिनीत फिल्ममा कुनै न कुनै विशेषता हुन्छ । यस्तै यसपटक उनी एक फिल्ममा ग्याङस्टार बनेका छन् ।

अभिनेता अक्षयकुमार ग्याङस्टार भनेको फिल्म ‘बच्चन पाण्डे’को ट्रेलर रिलिज भएको छ । सार्वजनिक गरिएको ‘एक्सन कमेडी’ फिल्ममा अक्षय ग्याङ्गस्टारको भूमिकामा देखिएका छन् ।

साजिद नाडियाबालाको प्रोडक्सनमा बनेको फिल्म दक्षिण भारतीय जिगरथान्डाको रिमेक हो । १८ मार्चमा प्रदर्शनको मिति तय गरिएको फिल्ममा कृति सेनन एक महत्वाकांक्षी निर्देशक माइरा देवेकरको भूमिकामा देखिएकी छन् । जो ग्याङ्स्टार बच्चन पाण्डेको कथामा फिल्म बनाउन लागिपरेकी छिन् ।

फिल्ममा अक्षय कुमारसँगै कृति सेनन र ज्याकलिन फर्नान्डिज र अरशत वार्शी मुख्य भूमिकामा छन्। तीन मिनेट ४१ सेकेण्डको ट्रेलरमा फिल्ममा रक्तपातपूर्ण फाइट सिनहरू बढी राखिएको छ । फराद साम्जीले फिल्मलाई निर्देशन गरेका हुन् ।