काठमाडौं, १७ माघ । नेपालमा तीन दिनयता कोरोना संक्रमण ओरालो लागेको छ । केही दिन १० हजारभन्दा बढी संक्रमण देखिएपनि तीन दिनयता भने संक्रमितको संख्या घटेको हो ।

यस्त्र सोमबार ५२९२ जनामा कोरोना संक्रमण पुष्टि भएको छ । पछिल्लो २४ घण्टाममा १६०८८ जनामा गरिएको नमूना परीक्षणमा ५२९२ जनामा संक्रमण पुष्टि भएको हो ।

स्वास्थ्य तथा जनसंख्या मन्त्रालयका अनुसार सोही समयावधिमा ८१९१ जना निको भई अस्पतालबाट डिस्चार्ज भएका छन् भने ८ जनाको मृत्यु भएको छ ।
मन्त्रालयका अनुसार यसबेला देशभर ७९२७२ जना सक्रिय संक्रमित रहेका छन् । २४ घण्टामा ३६६६०३ जनाले कोरोना विरुद्धको खोप लगाएका छन् ।