घानामा ट्रक विष्फोट हुँदा कम्तीमा १७ जनाको मृत्यु, कैयौं घर ध्वस्त
प्रकाशित:
२०७८, ७ माघ
काठमाडौं, ७ माघ (एजेन्सी) । घानाको पश्चिमी क्षेत्रमा ट्रक विष्फोट हुँदा कम्तीमा १७ जनाको मृत्यु भएको छ ।
प्रहरीका अनुसार सुन खानीको रुपमा चिनिने सहरमा विष्फोट भएको हो । खानीका लागि आवश्यक विष्फोटक पदार्थ बाकेको गाडी मोटरसाइकलसँग ठोक्किएपछि विष्फोट भएको खबरमा उल्लेख छ ।
विष्फोटबाट नजिकैका भवन र पूर्वाधारमा पनि ठूलो क्षति पुगेको जनाइएको छ । कयौँ भवन भत्किएका छन् भने भग्नावशेषमा केही पुरिएका आशङ्का गरिएको छ ।
घटनामा करिब ६० जना घाइते भएको पनि अन्य सञ्चारमाध्यमहरूले उल्लेख गरेका छन् । यद्यपि घटनाको विस्तृत विवरण भने आउँन बाँकी छ ।
घानाका राष्ट्रपतिले नाना अकुफो अड्डोले भग्नावशेषमा पुरिएकाहरुको उद्धार तथा राहतका लागि सेना परिचालन गरिएको बताएका छन् ।
प्रतिक्रिया
सम्बन्धित समाचार
