कोरोना त्रास : २५ जनाभन्दा बढी भेला हुन रोक
अखबार टुडे
प्रकाशित:
२०७८, २५ पुष

काठमाडौं, २५ पुस । सरकारले सार्वजनिक स्थलमा २५ जनाभन्दा बढी भेला हुन रोक लगाउने निर्णय गरेको छ । आइतबार बसेको कोभिड १९ व्यवस्थापन समितिको बैठकले सो निर्णय गरेको हो ।

कोभिड–१९ संकट व्यवस्थापन समन्वय केन्द्रकी प्रवक्ता सहसचिव सुनिता नेपालका अनसार सार्वजनिक स्थलमा २५ जनाभन्दा बढी जम्मा हुने गरी भेला भेला, महोत्सवलगायत आयोजना नगर्न गृह मन्त्रालयमार्फत स्थानीय प्रशासनलाई लेखिपठाउन सिफारिस बैठकले निर्णय गरेको छ ।

बैठकले राजनीतिक भेलालगायतका भिडभाडजन्य गतिविधि नगर्न पनि आह्वान गरेको छ । कोरोना सङ्क्रमणको बढ्दो जोखिमलाई मध्यनजर गरेर यो निर्णय भएको उनको भनाइ छ । आवश्यक परेको खण्डमा स्थानीय प्रशासनको अनुमति लिएरमात्रै गर्न पनि बैठकले अनुरोध गरेको छ ।

काठमाडौंस्थि न्युरोडको भीडभाड
प्रतिक्रिया