बुटवल, १८ पुस । पाल्पामा बस दुर्घटना हुँदा ७ जनाको मृत्यु भएको छ ।
बुटवलबाट शव बोकेर रिडितर्फ जाँदै गरेको लु २ ख ७२७९ नम्बरको बस तानसेन–रिडी सडकखण्ड अन्तर्गत पाल्पाको रिब्दिकोट–२ लगुवामा सडकबाट करिब डेढ सय मिटर तल खसेर दुर्घटना भएको हो ।
दुर्घटनामा अन्य ८ जना घाइते भएको लुम्बिनी प्रदेश ट्राफिक प्रहरी कार्यालय बुटवलका डीएसपी मोहन खांणले जानकारी दिए । घाइते भएकाहरुलाई उपचार गर्न तानसेनस्थित मिसन अस्पतालमा पठाइएको छ ।
बसमा ३५ जनाभन्दा धेरै मलामी रहेको बताइएको छ । दुर्घटनाको थप विवरण आउन बाँकी छ ।