काठमाडौं, १९ मंसिर । राष्ट्रिय प्रजातान्त्रिक पार्टी (राप्रपा)को अध्यक्षमा निर्वाचित भएका राजेन्द्र लिङ्देनलाई पूर्वयुवराज्ञी हिमानी शाहले बधाई दिएका छन् ।

हिमानी सोशल मिडिया ट्विरटमा शुभकामना दिँदै लेखेकी छन्, ‘अवसरबाद, नाताबाद, कृपाबादको अन्त्य गर्न सफल हुनु भएकोमा राष्ट्रबादी नेता राजेन्द्र लिङ्देनलाई हार्दिक बधाई तथा सफल कार्यकाल को शुभकामना ! राजेन्द्र लिङ्देनको जित सँगै मुलुकले मुलुकले आज सच्चा राष्ट्रबादी नेता पाउन सफल भएको छ ।’

यता हिमानीको उक्त ट्वीटमाथि प्रतिक्रिया जनाउँदै अध्यक्षमा पराजित कमल थापाले कटाक्ष गरेका गरेका छन् । थापाले ट्विटरमा लेखेका छन्, ‘अब चाँडै राजसंस्था पुर्नस्थापना हुने भएको हुँदा हिमानीलाई पनि हार्दिक बधाई तथा शुभकामना ।’