काठमाडौं, १६ मंसिर । राष्ट्रिय प्रजातन्त्र पार्टी (राप्रपा)को महामन्त्रीमा अभिनेत्री रेखा थापाले उम्मेदवारी घोषणा गरेसँगै उनले सोशन मिडियामार्फत भोट माग्न सुरु गरेकी छन् ।

बुधबारदेखि काटमाडौंमा सुरु भएको राप्रपाको महाधिवेशनमा रेखाले महिलातर्फ महामन्त्रीमा उम्मेदवारी दिएका हुन् । अध्यक्षमा दावेदार राजेन्द्र लिङ्देनको प्यानलमा रेखाले उम्मेदवारी दिएकी छन् । यसअघि उनी वर्तमान अध्यक्ष कमल थापा पक्षमा थिइन् । तर, यस महाधिवेशनबाट रेखा लिङ्दन पक्षमा उभिएकी हुन् । लिङ्देनलाई अन्य पदाधिकारीका आकांक्षीहरुको समेत समर्थन रहेको छ ।