नेपाल खबर

प्रधानन्यायाधीशविरुद्ध महाअभियोग प्रस्ताव ल्याउन माग

काठमाडौं, ६ मंसिर । आन्दोलनरत कानून व्यवसायीहरुले प्रधानन्यायाधीशविरुद्ध महाअभियोग प्रस्ताव ल्याउन माग गर्दै सभामुख अग्निप्रसाद सापकोटालाई ज्ञापनपत्र बुझाएका छन् ।

सोमबार नेपाल बार एशोसिएसनका अध्यक्ष चण्डेश्वर श्रेष्ठ नेतृत्वको टोलीले सभामुख सापकोटालाई ज्ञापनपत्र बुझाएको हो । प्रधानन्यायाधीश जबराकै कारण न्यायपालिकामाथिको विश्वास गुम्न थालेको र अदालतमा विसंगति मौलाएको भन्दै नेपाल बार एशोसिएसनले प्रधानन्यायाधीशको राजीनामा माग गर्दै आएको छ ।

प्रधानन्यायाधीशले राजीनामा नदिएसम्म आन्दोलन जारी राख्ने र प्रधानन्यायाधीशको इजलासमा बहस समेत नगर्ने बताइसकेको नेपाल बारले प्रधानन्यायाधीशलाई विदा गर्नुपर्ने आधार, कारण र आरोपसहित ज्ञापनपत्र बुझाएको हो ।

Click to comment

Leave a Reply

Your email address will not be published. Required fields are marked *

To Top