काठमाडौं, ५ मंसिर । भीम रावलले नेकपा एमालेको अध्यक्षमा उम्मेदवारी घोषणा गर्ने भएका छन् । नेता रावलका सहयोगी एकिन्द्र कुँवरका अनुसार आइतबार दिउँसा विशेष पत्रकार सम्मेलन गरेर १०औं महाधिवेशनमा अध्यक्षमा उम्मेदवारी घोषणा गर्न लागेका छन् ।

एमाले संस्थापनले महाधिवेशनबाट अध्यक्षसहितको पदाधिकारी सर्वसम्मतरुपमा छान्ने कसरत गर्दै आएको छ । चितवनमा यही मंसिर १०–१२ सम्म हुने महाधिवेशनमा वर्तमान उपाध्यक्ष रावलले उम्मेदवारी दिने भएसँगै केपी ओलीको सर्वसम्मत अध्यक्ष बन्ने योजनामा धक्का लाग्ने देखिएको छ । रावलले पार्टीभित्र निरन्तर आफ्नो असन्तुष्टि राख्दै आएका छन् ।