काठमाडौं, ३० कार्तिक । पराक्रमी सम्राट पृथ्वीराज चौहानको जीवनीमा आधारित बहुप्रतिक्षित पिरियड ड्रामा ‘पृथ्वीराज’को टिजर र प्रदर्शन मिति सार्वजनिक भएको छ ।

चन्द्रप्रकाश द्विवेदीको निर्देशनमा बनेको फिल्ममा सुपरस्टार अक्षय कुमार मुख्य भूमिकामा देखिएका छन् । उनलाई पूर्व मिस वर्ल्ड तथा अभिनेत्री मानुषी छिल्लरको साथ छ । मानुषी आफ्नी प्रिय संयोगिताको भूमिका निर्वाह गरिरहेकी छिन् । यो फिल्मले उनको बलिउड डेब्यु गरेको हो ।

यशराज फिल्म्सद्वारा निर्मित, यो फिल्मलाई डाक्टर चन्द्रप्रकाश द्विवेदीले निर्देशन गरेका हुन्, जसले यसअघि पुरस्कार विजेता फिल्म ‘पिञ्जर’ र टेलिभिजन महाकाव्य ‘चाणक्य’ निर्देशन गरिसकेका छन् । ‘पृथ्वीराज’ जनवरी २१, २०२२ मा विश्वव्यापी रूपमा रिलिज हुँदैछ ।