मुस्ताङमा हिमपहिरो : भागदौड हुँदा ९ जना घाइते
प्रकाशित:
२०७८, २८ कार्तिक
मुस्ताङ, २८ कात्तिक । मुस्ताङको कोबाङ क्षेत्रमा आइतबार हिमपहिरो गएको छ । मानापाथी हिमालबाट ठूलो हिमपहिरो खसेको मुस्ताङका प्रहरी प्रमुख डीएसपी रामकुमार दानीले जानकारी दिए ।
हिमपहिरो खसेपछि भागदौड हुँदा ९ जना घाइते भएको प्रहरीले जनाएको छ । मानापाथी हिमालको फेदी थासाङ गाउँपालिका–२ को जनआदर्श माविका शिक्षक र विद्यार्थी घाइते भएका हुन् ।
हिमपहिरोका कारण कति क्षति भन्ने पुष्टि भएको छैन । सो क्षेत्र जिल्ला सदरमुकामदेखि २५ किलोमिटरभन्दा टाढा पर्ने र प्रहरी टोली त्यसतर्फ पठाइएको डीएसपी दानीले जानकारी दिए ।
प्रतिक्रिया
सम्बन्धित समाचार
