कोभिडविरुद्ध फाइजरको खाने औषधि ८९ प्रतिशत प्रभावकारी
प्रकाशित:
२०७८, २० कार्तिक
काठमाडौं, २० कार्तिक । अमेरिकी औषधि उत्पादक कम्पनी फाइजरले कोभिड बिरामीका लागि आफूले विकास गरेको खाने चक्की अस्पताल भर्ना हुनुपर्ने वा मृत्यु हुने सम्भावनालाई रोक्ने कुरामा ८९ प्रतिशत प्रभावकारी देखिएको बीबीसीले जनाएको छ ।
अवस्था गम्भीर हुने उच्च जोखिममा रहेका बिरामीहरूले कोभिडका लक्षण देखिनासाथ यो चक्कीको सेवन गर्नुपर्ने बताइएको छ । चक्की पाँच दिनसम्म दिनहुँ तीनवटा सेवन गर्नुपर्ने हुन्छ ।
फाइजरले उक्त चक्कीको आपत्कालीन प्रयोगका लागि अनुमति दिन अमेरिकी नियामक निकायमा निवेदन समेत दिइसकेको छ । बिरामीका लागि सहजताका लागि उत्पादन गरिएको फाइजर चक्की अस्पताल र चिकित्सकहरूमाथि बोझ घटाउन ल्याइएको बताइएको छ ।
प्रतिक्रिया
सम्बन्धित समाचार
