काठमाडौं, १७ कात्तिक । १८ बर्षदेखि काग तिहारको अवसर पारेर काग सम्मेलन गर्दै आएका कलाकार रमेश दुलालले यसबर्ष पनि १८औं काग सम्मेलन गरेका छन् । । काठमाडौंको शान्तिबाटिका गेट, रत्नपार्कमा बिहान ६ बजे काग तिहारको अवसर पारेर आज काग सम्मेलन गरेका हुन् । उनले आफ्नो मुखबाट कागको आवाज निकालेर काग जम्मा पारेका थिए ।

राष्ट्रिय सङ्गीतकर्मी सङ्घले आयोजना गरेको बृहत काग सम्मेलन कार्यक्रमलाई ग्रिनसिटी हस्पिटल बसुन्धराले सौजन्य सहयोग गरेको थियो । मुखबाट १ सय ७३ जीव जनावर तथा चराचुरुङ्गी, तथा बाजाको आवाज निकाल्न सक्ने दाबी गर्ने रमेशले काग तिहारको शुभकामनासहित काग सम्मेलन गरेको बताए ।