काठमाडौं, १४ कात्तिक । बेलायतस्थित ‘वर्ल्ड बुक अफ रेकर्डस्’ले हस्पिट्यालिटी र पर्यटन क्षेत्रमा पुर्याएको अतुलनीय योगदान कदर गर्दै चन्द्रागिरि हिल्स लिमिटेडका महाप्रबन्धक अभिषेकविक्रम शाहलाई सम्मानित गरेको छ । आइतबार आयोजित एक विशेष कार्यकमबीच उपराष्ट्रपति नन्दबहादुर पुनले व्यवसायी शाहलाई सम्मानित गरेका हुन् ।

व्यवसायिक र सामाजिक क्षेत्रमा महत्वपूर्ण योगदान गर्ने प्रभावशाली व्यक्तित्वहरुलाई सम्मान गर्दै जाने परम्पराअनुरुप शाहलाई सम्मान गरिएको वर्ल्ड बुक अफ रेकर्डस् नेपाल च्याप्टरका अध्यक्ष सागर कटुवालले बताए । उक्त सम्मान कार्यक्रममा वल्र्ड रेकर्ड होल्डर्स एण्ड एचिभर्स एसोसियसन नेपालका अध्यक्ष हरि गोपाल प्रधानको पनि उपस्थिति थियो ।

ऐतिहासिक, साँस्कृतिक तथा प्राकृतिक महत्व बोकेको चन्द्रागिरि डाँडामा यस कम्पनीले भालेश्वर महादेव मन्दिर, सत्तल, भ्यू टावर, चिल्ड्रेन पार्क, सेमिनार हल तथा रिर्सोट लगायतका पूर्वाधार निर्माण गरेर एकीकृत पर्यटकीय गन्तव्यको रुपमा विकास गरिरहेको छ ।