विराटनगर, १५ कार्तिक । प्रदेश–१का मुख्यमन्त्री भीमप्रसाद आचार्यले आज(सोमबार) विश्वासको मत लिँदै छन् ।
आचार्यले गत ५ गते प्रदेश सभामा पेस गरेको विश्वासको मत सम्बन्धी प्रस्तावमा आज छलफल गरी मत विभाजन हुँदैछ । आज मत विभाजन भएसँगै नेकपा एमालेले गण्डकी र वाग्मतीपछि प्रदेश–१ मा सरकार गुमाउने निश्चित छ ।
विपक्षी ५ दलले नयाँ मुख्यमन्त्रीमा नेकपा एकीकृत समाजवादीका राजेन्द्र राईलाई अगाडि सारेका छन् । प्रदेश–१ मा कुल ९२ सांसद छन् । विश्वासको मत पाउनका लागि ४७ जनाको समर्थन आवश्यक पर्छ । एमालेसँग ४१ र विपक्षी गठबन्धनसँग ५० जना सांसद छन् ।