काबुल, ३ असोज (एजेन्सी) । अफगानिस्तानमा तालिबान सरकारले महिला मन्त्रालय हटाएको छ । तालिबानले महिला मन्त्रालयको नाम मेटेर सदाचार र दुष्कर्म मन्त्रालयको नाम राखेको बीबीसीले जनाएको छ ।

यो एक कडा धार्मिक मान्यताहरू कार्यान्वयन गराउने निकाय स्थापना रुपमा चिनिन्छ । सदाचार र दुष्कर्म मन्त्रालयले सन् १९९० को दशकताका तालिबान शासन अवधिमा कठोर इस्लामिक नियमहरू पालना गराएका थिए । साथै महिलामाथि कडा प्रतिबन्धहरू लगाएको थियो ।

महिला कर्मचारी कार्यालयबाहिर आएर आफूहरूलाई काममा फर्काउन तालिबानसँग अनुरोध गरिरहेका भए पनि तालिबानले महिला कर्मचारीलाई काममा फर्कन अनुमति दिएको छैन । सदाचारको प्रवर्द्धन र दुष्कर्मको नियन्त्रण गर्ने लक्ष्य रहेको बताइएको मन्त्रालयले तालिबानको पहिलो शासनकालमा शरिया कानुन भनिने तालिबानले व्याख्या गर्दै आएको कठोर इस्लामिक कानुन कार्यान्वयनका लागि सडकमा कथित नैतिक प्रहरी परिचालन गर्नु थियो ।

महिलाहरूले प्राथमिक तहभन्दा माथि पढ्न नपाउने, सङ्गीत र नृत्यलगायतका मनोरञ्जनमा महिलालाई रोक, बुद्धिचाल खेल्न र चङ्गा उडाउन नपाइने नियम अफगानिस्तानमा फेरि फर्काउने तयारी भएको बीबीसीले जनाएको छ ।