काठमाडौं, २७ भदौं । गत २४ घण्टामा देशभर थप ९ सय ११ जनामा सङ्क्रमण देखिएको छ ।
स्वास्थ्य तथा जनसंख्या मन्त्रालयका अनुसार एन्टिजेन र पीसीआर गरी ११ हजार १८ जनाको नमुना परीक्षण गर्दा सो संख्यामा कोरोना पुष्टि भएको हो । आज थपिएसँगै नेपालमा सङ्क्रमण पुष्टि हुनेको सङ्ख्या ८ लाख ६३ हजार ८५७ पुगेको मन्त्रालयले जनाएको छ ।
यस्तै थप १ हजार ४२३ जना निको भएसँगै सङ्क्रमणमुक्त हुनेको सङ्ख्या सात लाख ३९ हजार चार सय ५७ पुगेको छ । यही अवधिमा थप १३ जना सङ्क्रमितको ज्यान गएको छ । योसँगै कोरोना सङ्क्रमणका कारण ज्यान गुमाउनेको सङ्ख्या १० हजार नौ सय ४९ पुगेको छ । अहिले नेपालमा २६ हजार ७५७ जना सक्रिय सङ्क्रमित रहेको छ ।