काठमाडौं, २३ भदौं । गत २४ घण्टामा देशभर थप २ हजार १६१ जना निको भएको स्वास्थ्य तथा जनसङ्ख्या मन्त्रालयले जनाएको छ । योसँगै कोरोना सङ्क्रमणमुक्त हुनेको सङ्ख्या ७ लाख ३३ हजार १६१ पुगेको छ ।
यस्तै २४ घण्टामा पीसीआर र एन्टिजेन गरी १३ हजार चार सय ५५ जनाको नमुना परीक्षण गर्दा १ हजार ६४० जनामा सङ्क्रमण पुष्टि भएको छ । आज थपिएकासँगै नेपालमा कोरोना सङ्क्रमण पुष्टि हुनेको सङ्ख्या ८ लाख ५९ हजार ५३५ पुगेको छ ।
यही अवधिमा थप १० जनाले ज्यान गुमाएसँगै सङ्क्रमणका कारण ज्यान गुमाउनेको सङ्ख्या १० हजार ८८९ पुगेको छ । नेपाल हाल २९ हजार ४७९ जना सक्रिय संक्रमित रहेको मन्त्रालयले जनाएको छ ।