काठमाडौं, २२ भदौं । गत २४ घण्टामा देशभर थप १ हजार ६७७ जनामा कोरोना सङ्क्रमण पुष्टि भएको छ ।
१५ हजार ३४ जनाको नमुना परीक्षण गर्दा सो संख्यामा कोरोना सङ्क्रमण पुष्टि भएको स्वास्थ्य तथा जनसङ्ख्या मन्त्रालयले जनाएको छ । आज थपिएकासहित नेपालमा कोरोना सङ्क्रमण पुष्टि हुनेको सङ्ख्या ८ लाख ५७ हजार ८९५ पुगेको छ ।
यस्तै पछिल्लो २४ घण्टामा २ हजार ७२ जना सङ्क्रमणमुक्त भएसँगै कोरोना सङ्क्रमणबाट मुक्त हुनेको सङ्ख्या ७ लाख ३१ हजार पुगेको छ ।
यही अवधिमा थप २१ जनासहित कोरोना सङ्क्रमणका कारण ज्यान गुमाउनेको सङ्ख्या १० हजार ८७९ जना पुगेको छ ।