काठमाडौं, १७ भदौ । गत २४ घण्टामा देशभर थप १ हजार २६८ जनामा कोरोना सङ्क्रमण पुष्टि भएको छ ।
स्वास्थ्य तथा जनसङ्ख्या मन्त्रालयका अनुसार ९ हजार ८७५ जनाको नमूना परीक्षण गर्दा सो संख्यामा सङ्क्रमण पुष्टि भएको हो
आज थपिएका सहित नेपालमा कोरोना सङ्क्रमण पुष्टि हुनेको सङ्ख्या ८ लाख ५३ हजार २३२ जना पुगेको छ । यस्तै पछिल्लो २४ घण्टामा २ हजार १९५ जना निको भएसँगै कोरोना सङ्क्रमणमुक्त हुनेको सङ्ख्या ७ लाख २५ हजार ६५१ जना पुगेको छ ।
थप नौ जनाले कोरोना सङ्क्रमणका कारण ज्यान गुमाएका छन् । योसहित कोरोना सङ्क्रमणका कारण ज्यान गुमाउनेको सङ्ख्या १० हजार ८१८ जना पुगेको छ । अहिले नेपालमा ३१ हजार आठ सय २६ जना कोरोना भाइरसका सक्रिय सङ्क्रमित रहेका छन् ।