स्वस्तिका महत, जो १९ वर्षमै कांग्रेसको वडा सभापति बनिन्
प्रकाशित:
२०७८, १९ भाद्र
दैलेख, १९ भदौं । सत्तारुढ नेपाली कांग्रेसले यहाँकी एक १९ वर्षीया किशोरीलाई वडा समिति सभापतिमा निर्वाचित गरेको छ । शुक्रबार भएको वडा अधिवेशनमा दैलेखको दुल्लु नगरपालिका वडा नम्बर ३ मा वर्षीया स्वस्तिका महत सभापतिमा निर्वाचित भएकी छन् । उनी भर्खरै १९ वर्षकी भइन् ।
स्वस्तिका दैलेखका कांग्रेस नेता स्वर्गीय नेता भुपेन्द्र महतकी छोरी हुन् । कांग्रेसले उनलाई सर्वसम्मतले वडा सभापति बनाएको हो । उनलाई सभापति बनाउन अन्य दाबेदारले समेत साथ दिएका थिए ।
दुल्लु नगरपालिका प्रमुख एवम् कांग्रेस नेता भुपेन्द्र भण्डारीले युवाहरुलाई नेतृत्वमा ल्याउने पार्टीको नीतिअनुसार स्वस्तिकालाई वडा सभापति बनाइएको बताए ।
प्रतिक्रिया
