काठमाडौं, १८ भदौ । गत २४ घण्टामा देशभर थप १ हजार ७५६ जनामा सङ्क्रमण पुष्टि भएको छ ।
स्वास्थ्य तथा जनसङ्ख्या मन्त्रालयका अनुसार १४ हजार ३३४ वटा नमुना परीक्षण गर्दा सो संख्यामा कोरोना पुष्टि भएको जनाएको हो । आज थपिएका सहित नेपालमा कोरोना सङ्क्रमण पुष्टि हुनेको सङ्ख्या ८ लाख ५१ हजार ६६४ पुगेको छ ।
यस्तै पछिल्लो २४ घण्टामा २ हजार २७४ जना निको भएसँगै कोरोना सङ्क्रमणमुक्त हुनेको सङ्ख्या ७ लाख २३ हजार ४५६ जना पुगेको छ ।
यही अवधिमा थप २३ जनाले सङ्क्रमणका कारण ज्यान गुमाएसँगै कोरोनाबाट ज्यान गुमाउनेको सङ्ख्या १० हजार आठ सय नौ पुगेको छ । अहिले नेपालमा ३३ हजार ६ जना कोरोना भाइरसका सक्रिय सङ्क्रमित छन् ।