काठमाडौं, १५ भदौं । गायिका गोविन्द चेम्जोङ र मेलिना राईको गाएको नयाँ गीत ‘झ्यालको पर्दा’ सार्वजनिक भएको छ । डान्सिङ बीटको उक्त गीतको भिडियोमा एलिशा राई र प्रदीप लामालाई फिचरिङ गरिएको छ । भिडियोमा प्रदीप र एलिशाको रोमान्स देख्न सकिन्छ ।

रामजन सुब्बाको शब्द तथा संगीत रहेको ‘झ्यालको पर्दा’ बोलको यस गीतको भिडियोलाई सोनम लामाले निर्देशन गरेका छन् । भिडियोमा पवन सुस्लिङको छायाँकन र कोरियोग्राफी प्रदीप लामाकै रहेको छ ।

पछिल्लो समय नेपाली गीतसंगीत क्षेत्रमा लोक डान्सिङ बीटका गीतको ट्रेण्ड चलेको छ । ‘झ्यालको पर्दा’ गीतलाई अहिलेकै ट्रेण्डलाई पछ्याउँदै तयारी गरिएको हो । सोमबार सार्वजनिक गरिएको भिडियोलाई दर्शकले रुचाएका छन् ।