काठमाडौं, १३ भदौ । गत २४ घण्टामा देशभर थप १ हजार ३८८ जनामा कोरोना संक्रमण पुष्टि भएको छ ।
स्वास्थ्य तथा जनसंख्या मन्त्रालयका अनुसार १० हजार २९७ नमुना परीक्षण गर्दा सो संख्यामा पुष्टि भएको हो । मन्त्रालयका अनुसार पीसीआरबाट १ हजार २१४ र एन्टिजेनबाट १७४ जनामा संक्रमण पुष्टि भएको हो । उक्त अवधिमा ९ हजार २५९ जनाको आरटी पीसीआर र ३ हजार ३८ जनाको एन्टिजेन परीक्षण गरिएको थियो ।
यहि अवधिमा थप २४ जना कोरोना संक्रमितको मृत्यु भएको छ । योसँगै नेपालमा कोरोना संक्रमणबाट मृत्यु हुनेको संख्या १० हजार ७१४ पुगेको छ । त्यस्तै, २ हजार २६० जना संक्रमणमुक्त भएका छ । योसँगै कोरोना संक्रमणमुक्त हुनेको संख्या ७ लाख १२ हजार ७१२ पुगेको मन्त्रालयले जनाएको छ । हाल देशभर सक्रिय संक्रमितको संख्या ३५ हजार ७९६ रहेको छ ।