काठमाडौं, ४ भदौ । गत २४ धण्टामा थप ३ हजार ४२ जनामा कोरोना संक्रमण पुष्टि भएको छ ।
स्वास्थ्य तथा जनसंख्या मन्त्रालयका अनुसार १७ हजार ६५४ नमुना परीक्षण गर्दा सो संख्यामा कोरोना पुष्टि भएको हो ।
मन्त्रालयका अनुसार पीसीआरबाट २ हजार ७९ र एन्टिजेनबाट ९६३ जनामा संक्रमण पुष्टि भएको हो । उक्त अवधिमा १० हजार ५३० जनाको आरटी पीसीआर र ७ हजार १२४ जनाको एन्टिजेन परीक्षण गरिएको थियो ।
यस्तै पछिल्लो २४ घण्टामा नेपालमा २६ जना कोरोना संक्रमितको मृत्यु भएको छ । योसँगै नेपालमा कोरोना संक्रमणबाट मृत्यु हुनेको संख्या १० हजार ४५५ पुगेको छ ।
त्यस्तै सोही अवधिमा २ हजार २४४ जना संक्रमणमुक्त भएका छ । योसँगै कोरोना संक्रमणमुक्त हुनेको संख्या ६ लाख ९३ हजार ५४३ पुगेको मन्त्रालयले जनाएको छ । हाल देशभर सक्रिय संक्रमितको संख्या ४० हजार ३०९ रहेको छ ।