काठमाडौं, ९ साउन । पछिल्लो समय युट्युब टे«ण्डका कारण शर्ट फिल्महरु बन्नेक्रम बढेको छ । एकातिर कोरोना संक्रमणका लागि नेपाली फिल्मको बजार शून्य अवस्था पुगेको छ भने अर्कोतिर कलाकारहरु काम नपाएर फुर्सदिला हुन थालेका छन् । यसबीच शर्ट फिल्महरु धमाधम बन्न थालेका छन्, जसले दर्शक पनि राम्रै पाइरहेको छन् ।

यस्तै, नेपाली शर्ट फिल्म ‘मैचा’ यु–ट्युबमा रिलिज भएको छ । दर्पण नेपालको प्रस्तुति र गोपी दाहालको निर्माण रहेको यो शर्ट फिल्मलाई दर्पण मिडियाकै अफिसिरयल युटुब च्यानलबाट रिलिज गरिएको हो । अहिले फिल्मको राम्रो प्रतिक्रिया आइरहेको बताइएको छ ।

शिशिर राणाको लेखन तथा निर्देशनमा तयार भएको ‘मैचा’मा रुशा न्यौपाने, प्रभात पल, सुमिन गुरुङ, ओजस्वी थापा, सुरेश पोखरेल, सयुज राई र शिशिर राणाको अभिनय रहेको छ । त्यस्तै शर्ट फिल्ममा संकल्प भुजेलको छायाँकन र तारा थापा ‘किम्भे’को सम्पादन छ ।

फिल्ममा शिशिर खाती सहायक निर्देशक रहेका छन् । यस फिल्मलाई राजेश कुमारले कलर गर्ने काम गरेका छन् । यस शर्ट फिल्मले नेपाली समाजको समसामयिक विषयलाई उठान गरेको छ ।