काठमाडौं, २९ असार ।नेपाली कांग्रेसका सभापति शेरबहादुर देउवालाई आज राष्ट्रपति विद्यादेवी भण्डारीले प्रधानमन्त्री नियुक्त गर्दैछन् । आज साँझ ६ बजे प्रधानमन्त्री नियुक्ति तथा सपथ कार्यक्रम राखिएको राष्ट्रपति कार्यलयले जनाएको छ । ।

देउवालाई प्रधानमन्त्री नियुक्त गर्न सर्वोच्च अदालतले परमादेश जारी गरेको २४ घण्टा नबित्दै राष्ट्रपतिले नियुक्त गर्न लागेकी हुन् । सोमबार सर्वोच्चले संविधानको धारा ७६ (५) अनुसार देउवालाई प्रधानमन्त्री नियुक्त गर्न परमादेश जारी गरेको थियो ।
सम्भवत प्रधानमन्त्री देउवाले आजै सपथ लिँदैछन् । प्रधानमन्त्री केपी शर्मा ओलीले आज २ बजे राष्ट्रको नाममा सम्बोधन गर्दैछन् । देउवा पाँचौंपटक प्रधानमन्त्री भएका हुन् । पहिलो पटक २०५२ सालमा प्रधानमन्त्री भएका देउवा २०५८, २०६१ र २०७४ गरी चार पटक प्रधानमन्त्री भइसकेका छन् ।