काठमाडौं, १९ असार । बलिउड अभिनेता रनवीर सिंह हाल अनौठो फेसन लुक्सबाट भाइरल भइरहेका छन् ।

रणवीरले बुधबार इन्स्टाग्राममा पोस्ट गरेका फोटोमा उनी निलो रङको ट्रयाकसुट र सुनको हारमा सजिएका देखिन्छन् । उनले गुच्चीको फोटो सुटमध्येको आफ्नो एउटा फोटो पोस्ट गरेका थिए।उनले खुट्टामा पहेलो रङको मोजा र त्योसँग मिल्ने पहेँलो सिसा भएको चस्मा लगाएका छन् ।

सुरुमा पोस्ट गरेको फोटो भाइरल भएसँगै रनवीरले त्यही पहिरनमा अर्को फोटो पनि इन्स्टाग्राममा पोस्ट गरेका थिए । यो फोटोमा भने उनले थप रातो ह्याट र ट्रेन्च कोट लगाएका छन्। हातमा ज्याकी ब्रान्डको १९६१ को कालो पर्स बोकेको देखिन्छ ।