घरमाथिबाट खसेको पहिरोले पुरिएर दम्पतीको मृत्यु
प्रकाशित:
२०७८, १९ असार
गोरखा, १९ असार । गोरखाको सिरानचोक गाउँपालिका–७ उपल्लो गोहोरेमा पहिरोले पुरिएर एक दम्पतीको ज्यान गएको छ ।
पहिरोले पुरिएर ज्यान जानेमा ८० वर्षका रमन पाण्डे र ७० वर्षकी नन्दकुमारी पाण्डे रहेको जिल्ला प्रहरी कार्यालय गोरखाका डीएसपी प्रकाश दाहालले जानकारी दिए ।
बिहान साढे ६ बजेतिर घरमाथिबाट खसेको पहिरोले एक तले कच्ची घर पुरिँदा घरमै रहेका पाण्डे दम्पतीको ज्यान गएको हो । उनीहरुको शव झिकिएको पनि डीएसपी दाहालले जानकारी दिए ।
प्रतिक्रिया
सम्बन्धित समाचार
