कडुना, ८ जेष्ठ । नाइजेरियामा विमान अवतरणका क्रममा दुर्घटना हुँदा सेना प्रमुखसहित ११ जनाको ज्यान गएको छ ।
उत्तर पश्चिम राज्य कडुनामा भएको विमान दुर्घटनामा सेनाका प्रमुख लेफ्टिनेन्ट इब्राहिम अत्ताहिरु र चालक दलका सदस्यसहित अन्य १० जनाको ज्यान गएको हो ।
मौसममा आएको खराबीका कारण विमान दुर्घटनामा परेको त्यहाँको सेनाले जनाएको छ ।
५४ वर्षका इब्राहिम अत्ताहिरु गएको जनवरीमा सेनाका प्रमुख बनेकोे थियो । नाइजेरियाका राष्ट्रपति मुहम्मद बुहारीले घटनाप्रति दुःख व्यक्त गरेको छन् ।