काबुल, २६ बैशाख (एजेन्सी) । अफगानिस्तानको एउटा विद्यालय नजिकै भएको कार बम विस्फोटमा परि कम्तीमा ३० जनाको ज्यान गएको र दर्जनौँ अरू घाइते भएका अधिकारीहरूले बताएका छन्।
राजधानी काबुलको पश्चिमी क्षेत्रमा रहेको माध्यमिक विद्यालय नजिकै भएको विस्फोटमा ज्यान गुमाउनेहरु धेरैजसो बालिका रहेका छन् ।
हिजो बेलुकी विद्यालय बिदा भएर विद्यार्थीहरु घर फर्किदै गर्दा विस्फोट भएको अफगानिस्तानको शिक्षा मन्त्रालयका प्रवक्तालाई उदृत गर्दै बीबीसीले जनाएको छ ।
सुन्नी इस्लामिक आतंकवादीहरुको पकड रहेको क्षेत्रमा भएको घटनाको अहिलेसम्म कसैले पनि जिम्मेवारी लिएको छैन ।
आउँदो सेप्टेम्बर ११ मा अमेरिकी सेना फिर्ता हुने भएपछि अफगानिस्तानमा हिंसाका घटनाहरु बढिरहेका छन् ।