काठमाडौं, २९ चैत । बुढानिलकण्ठ नगरपालिका–१ को शिवपुरी राष्ट्रिय निकुञ्ज पर्ने जंगलमा आइतबार बिहान १० बजे लागेको आगो अझै नियन्त्रण भएको छैन । आगो नियन्त्रणबाहिर गएपछि सिम्रिक एयरको हेलिकप्टरबाट पानी फालेर निभाउने प्रयास भइरहेको नगर प्रमुख उद्धवप्रसाद खरेलले बताएका छन् । उनका अनुसार सुन्दरीजलबाट पानी लिएर आगलागी निभाउने प्रयास भइरहेको छ ।
आगो नियन्त्रणका लागि तीन दमकलसहित प्रहरी, नेपाली सेना, सशस्त्र प्रहरी र निकुञ्जकै कर्मचारी खटिएका थिए । जमिनबाट आगो नियन्त्रण गर्न नसकिएपछि हेलिकप्टर प्रयोग गरिएको हो