काठमाडौं, २० फागुन । जल तथा मौसम पूर्वानुमान महाशाखाले आज बिहीबार देशमा पश्चिमी वायुको आंशिक प्रभाव रहेको जनाएको छ ।
पश्चिमी वायुको प्रभावका कारण हाल प्रदेश १ तथा गण्डकी प्रदेशका पहाडी भूभागहरूमा आंशिकदेखि सामान्य बदली भइरहेको छ ।
यस्तै, देशका बाँकी प्रदेशका पहाडी भूभागमा आंशिक बदली रहेको छ । बाँकी भूभागहरूमा मौसम सामान्यतया सफा रहेको छ । महाशाखाले जारी गरेको पूर्वानुमानका अनुसार आज दिउँसो देशको पहाडी भूभागहरुमा आंशिकदेखि सामान्य बदली रहि बाँकी भूभागहरूमा मौसम सामान्यतया सफा रहने छ भने देशको पहाडी भूभागहरुको एक÷दुई स्थानमा हल्का वर्षाको सम्भावना रहेको छ ।
आज राति देशको पहाडी भूभागहरुमा आंशिकदेखि सामान्य बदली रहि बाँकी भूभागहरूमा मौसम सामान्यतया सफा रहने छ । यस्तै, देशको पहाडी भूभागहरुको एक÷दुई स्थानमा हल्का वर्षाको सम्भावना रहेको छ ।