काठमाडौं, १६ माघ । प्रधानमन्त्री केपी शर्मा ओलीले पुनः नेकपा अनुशासित पार्टी भएको दोहोर्याएका छन् । बिहीबार प्रचण्ड–माधव समूहलाई कटाक्ष गर्दै पिलो निचोरिएपछि आनन्द भएको बताएका प्रधानमन्त्री ओलीले शुक्रबार आफू नेतृत्वको नेकपा अनुशासित भएको बताएका हुन् ।
शुक्रबार काठमाडौँ महानगर कमिटीद्वारा आयोजित कार्यकर्ता भेलालाई सम्बोधन गर्दै नेकपा अध्यक्ष तथा प्रधानमन्त्री ओलीले विगतमा पार्टीमा अराजकता निम्त्याउनेहरु पार्टीबाट बाहिर भएको पार्टी अनुशासित भएको बताए । उनले नेकपा स्पष्ट दृष्टिकोणका साथ सुदृढ, एकताबद्ध र अनुशासित पार्टी बनेको दावी गर्दै भने, ‘बल्ल पार्टी अनुशासित भएको छ । अब नेकपाले देशलाई गलत बाटोमा जान दिने छैन । उनले आफ्नो नेतृत्वको नेकपा विजय यात्रामा अघि बढेको समेत दावी गरे ।