नेपाल खबर

प्रधानमन्त्रीबाट महागुरू फाल्गुनन्दप्रति सम्मान

काठमाडौं, २५ कार्तिक । प्रधानमन्त्री केपी शर्मा ओलीले राष्ट्रिय विभूति महागुरू फाल्गुनन्दको १३६औँ जन्मजयन्तीका अवसरमा उहाँप्रति सम्मान व्यक्त गरेका छन् ।
प्रधानमन्त्री ओलीले मंगलबार ट्वीटमार्फत महागुरूप्रति उच्च सम्मान व्यक्त गरेका हुन् । उनको सन्देशमा भनिएको छ, ‘राष्ट्रिय विभूति, समाज सुधारक महागुरू फाल्गुनन्दको १३६औँ जन्मजयनतीका अवसरमा उहाँप्रति उच्च सम्मान प्रकट गर्दछु । यस अवसरमा सम्पूर्ण दिदीबहिनी तथा दाजुभाइमा उहाँको शिक्षा र सत्प्रेरणाबाट आपसी एकता र सद्भाव वृद्धि होस् भन्ने कामना गर्दछु ।’

Click to comment
To Top