काठमाडौं, १६ कार्तिक । प्रधानमन्त्री र स्वास्थ्यमन्त्रीविरुद्ध सर्वोच्च अदालतमा अदालतको अवहेलनासम्बन्धी निवेदन दर्ता भएको छ । अधिवक्ताद्वय लोकेन्द्र ओली र केशरजंग केसीले आइतबार प्रधानमन्त्री केपी ओली र स्वास्थ्यमन्त्री भानुभक्त ढकालविरुद्ध अदालतको अवहेलना गरेको भन्दै निवेदन दर्ता गरेका हुन् ।
कोरोना भाइरस (कोभिड–१९) को उपचार निःशुल्क गर्नु भन्ने सर्वोच्चको परमादेशको सरकारले गम्भीर उल्लंघन गरेको भन्दै उक्त निवेदनमा कारबाही गर्न माग गरिएको छ । निवेदनमा १ वर्ष कैद र १० हजार रुपैयाँ जरिवाना गर्नुपर्ने माग गरिएको छ ।