काठमाडौं, १९ भदौं । बलिउड निर्देशक ओम राउतले नयाँ फिल्म ‘आदिपुरुष’ घोषणा गरेका छन् । उक्त फिल्ममा सैफअलि खान मुख्य भुमिकामा देखापर्दैछन् । उनी फिल्म ‘आदिपुरुष’ अभिनेताका रुपमा खेल्ने भएका छन् । फिल्म ‘तन्हाजी’ पछि सैफ, ओम र भूषण कुमारसँग दोस्रो सहकार्य गर्दैछन् । भारतीय मिडियामा अनुसार उक्त फिल्ममा अभिनेतालाई घातक र कुरुप अवतारमा देखाइने छ ।
भारतीय महाकाव्यमा बन्न लागेको उक्त फिल्ममा अभिनय गर्न सैफअलि खान इच्छुक देखिएका छन् । फिल्म ‘आदिपुरुष’, एक भारतीय महाकाव्यको स्क्रिन रूपान्तरण हो । फिल्मबारे अभिनेता सैफ भन्छन्, ‘म फेरि ओमी दादासँग काम गर्न पाउँदा खुसी छु । उउहँसँग भव्य दृष्टि छ र यसलाई निकाल्नका लागि प्राविधिक ज्ञान छ । म यस परियोजनाको एक हिस्सा हुन पाउँदा रोमाञ्चित छु । म शक्तिशाली प्रभासको साथ तरवारहरूसँग संघर्ष गर्ने र विद्युतीकरण गर्ने र राक्षसीको भूमिका खेल्ने आशामा छु ।’
फिल्मको तारिफ गरेपछि निर्माता भूषण कुमारले पनि सैफको तारिफ नगरी बस्नै सकेननन् । उनले सैफको तारिफ गर्दै भने, ‘सैफले हामीलाई फिल्म ‘तन्हाजी’मा उदयभानको चरित्रको चित्रणमा उछिनेका थिए, र उनले ‘आदिपुरुष’मा आफ्नो भूमिकालाई उचालेका थिए । प्रभाससँग राम्रो र नराम्रो बीच लडाइँ“मा उनी उत्तम विकल्प हुन् ।’
फिल्मलाई विभिन्न भाषामा निर्माण गरिने छ । सुरुमा हिन्दी र तेलगु भाषामा र त्यसपछि तमिल, मलयालम, कन्नड, र अन्य धेरै विदेशी भाषाहरूमा डब गरिनेछ । यो फिल्मलाई सन् २०२२ मा प्रदर्शनको तयारी गरिने बताइएको छ ।